Një tjetër konflikt në mes të Tiranës. Dy të rinj pasi kanë debatuar, konflikti mes tyre ka degjeneruar në përdorimin e armëve të ftohta.
Ngjarja ka ndodhur tek pallatet 9-katëshe në Tiranë, pranë qendrës së kryeqytetit. Burime nga policia e Tiranës kanë bërë të ditur se autori i ngjarjes është Indrit Zebi, 25-vjeç ndërsa i plagosuri Jurfjon Suparaku, 24 vjeç. Autori i ngjarjes Zebi është arrestuar nga forcat ‘Shqiponja’ pak larg vendit të ngjarjes.
I plagosuri është dërguar me urgjencë në Spitalin Ushtarak, nga ku mësohet se është në gjendje të rëndë.
Policia është duke punuar për zbardhjes e arsyes së konfliktit dhe paraprakisht dyshohet se shkak i tij kanë qenë mosmarrëveshjet për punë parash.
