Përfiton azil politik në SHBA, ish-shefi i Shtabit të Ushtrisë

57

luan hoxhaIsh-shefi i Shtabit të Përgjithshëm të Ushtrisë, Luan Hoxha, i akuzuar lidhur me ngjarjen e Gërdecit, ka përfituar azil politik në SHBA.  Hoxha u largua drejt SHBA-ve, pasi Gjykata e Tiranës e dënoi atë me pesë vjet burg.

Lajmi është bërë i ditur nga avokati i Hoxhës, i cili mbron çështjen e tij në Tiranë.

Ish-zyrtari i lartë i FA-së, është larguar së bashku me familjen e tij në 1 janar të vitit 2012.

Largimi 2 vite më parë i tij, u komentua gjatë në shtyp, por prokuroria dhe gjykata u shprehën se nuk kishin vendosur ndonjë masë ndalimi për daljen nga Shqipëria, të ish-shefit të Shtabit të Përgjithshëm të Ushtrisë.

E megjithatë, Luan Hoxha, nuk ka pranuar asnjë nga akuzat e ngritura për përfshirjen e tij në ngjarjen e Gërdecit.