Opozita bojkoton Komisionin Parlamentar të Sigurisë Kombëtare

42

komisioni i siguriseKomisioni Parlamentar për Sigurinë Kombëtare, që është mbledhur ditën e sotme për të diskutuar buxhetin 2014 për Ministrinë e Mbrojtjes, është bojkotuar nga opozita. Braktisja e punimeve të Komisionit nga opozita, ka në thelb kërkesën për shpjegim drejtuar Ministrit të Brendshëm Tahiri, mbi vrasjen e dy shtetasve shqiptarë nga policia greke.

Deputetët e opozitës kanë deklaruar se do të rikthehen në Komisionin e Sigurisë, vetëm atëherë kur ministri Tahiri të raportojë për vrasjen e dy vëllezërve nga Korça.

Ndërkohë gjatë raportimit të saj në komision, Mimi Kodheli theksoi se buxheti për ministrinë e mbrojtjes është 14 miliardë lekë. Ajo e cilësoi këtë buxhetit si të drejtë në raport me kushtet reale të ekonomisë së vendit.