Në kërkim bashkëpuntorët e Sinanajt, policia 10 mln shpërblim për atë që jep informacion

16

mehillajPolicia e Tiranës ofron 10 mijë euro shpërblim për personin që do të japë informacione në lidhje me bashkëpunëtorët e vrasësit me pagesë Julian Sinanaj. Në një njoftim të policisë thuhet për çdo person që jep informacion të vlefshëm në drejtim të kapjes së Andon dhe Genis Mëhillaj, të akuzuar si grupi i ‘tritolit’ përveç shpërblimit monetar do t`i ruhet edhe anonimati.

Burime policore pohojnë se dy kushërinjtë Andon dhe Genis Mëhillaj kanë qenë personat që bënin të mundur njohjen mes porositësit të vrasjeve dhe të dyshuarit si vrasës me pagesë. Burime nga uniformat blu sqarojnë se dy kushërinjtë, të njohur për lidhjet me politikën, kontaktonin të parët me porositësit e krimeve të rënda dhe më pas ishte Andon Mëhillaj ai që kontaktonte të dyshuarin si vrasës me pagesë, Julian Sinanaj, i cili njihej nga të gjithë për saktësinë në ekzekutimet e tij.

Ky i fundit për çdo vrasje merrte nga 30 mijë euro deri në 150 mijë euro, varej nga rëndësia e personit që do ekzekutohej, ndërsa dy kushërinjtë Mëhillaj merrnin pjesën më të madhe të parave, pothuajse dyfishin e parave që merrte ekzekutori.

Shtetasit Genis Mëhillaj dhe Andon Mëhillaj janë shpallur në kërkim pasi gjykata e shkallës së parë për krime të rënda Tiranë ka vendosur masën “arrest me burg” për veprën penale “vepra me qëndrime terroriste”. –