Ministri i Brendshëm Tahiri, takim me drejtuesit e policisë në qarqe

47

saimir tahiriMinistri i Brendshëm Saimir Tahiri, në një takim të zhvilluar pa praninë e medieve, u ka kërkuar drejtuesve të policisë në qarqe që brenda pak ditësh dhe në mënyrë intensive të godasin rrjetet e prodhimit të lëndëve shpërthyese, që janë kthyer në një armë të fuqishme në duart e krimit.

Tahiri tha se, ka pritshmëri të madhe për të pasur rezultate sa më të shpejta në fushën e goditjes së krimeve të kryera kryesisht me tritol. Rezultate janë kërkuar edhe për hetimet e çështjeve të bujshme si vrasja e kolegut të tij Fatmir Xhindit pesë vjet më parë, si edhe të gjykatësit të Vlorës Skerdilajd Konomi.