Klosi: Presim kompromis nga opozita për reformën territoriale

54

blendi-klosi-deklarateDeputeti i Partisë Socialiste Blendi Klosi përmes një deklarate për mediat i bëri sërish thirrje opozitës të dalë nga axhenda opozitare dhe të bëhet axhendë qytetare. Klosi theksoi se mazhoranca është në pritje të një kompromisi nga opozita për reformën administrativo-territoriale.  Reforma territoriale nuk mund të lihet pas dore, ka thënë Klosi. Gjithashtu ai tha se, mazhoranca i ka votat për ta miratuar këtë reformë në Kuvend, por ama kërkon dhe pret konsensusin e opozitës.

“Është e vërtetë ajo që thatë ju se kemi 84 vota në Kuvend, por ne kemi ofruar opozitës gjysmën e anëtarëve të komisionit, bashkëkryetarin, të drejtën e vetos, por opozita nuk po bëhet pjesë e komisionit.   Është e qartë se Basha si kryetar i Bashkisë i ka kthyer shpinën interesave qytetarë dhe si mëkëmbës i opozitës ka kthyer shpinën interesave të vendit. Të gjitha kërkesat që bëri opozita u plotësuan nga mazhoranca. Tani jemi në pritje të kompromisit”, u shpreh Klosi.