Kapshticë, arrestohet shefi i doganës, dy doganierë të tjerë në procedim të lirë

26

prangaArrestohet shefi i zyrës operacionale të doganës së Kapshticës Algert Lami, 33 vjeç i cili akuzohet për  korrupsion pasiv.   Burime nga policia bëjnë me dije se gjithashtu në prangat e policisë ka rënë edhe tregtari Krenar Halimllari 38 vjeç, i cili akuzohet për kontrabandë mallrash. Sipas policisë, gjithashtu janë proceduar në gjendje të lirë edhe dy doganieret e turnit shtetasit me iniciale L.K dhe V.T.

Mësohet se doganieri Algert Lami dyshohet se ka lejuar kalimin e mallrave kontrabandë nga pika e kalimit kufitar të Kapshticës.  Doganierët akuzohen për falsifikim të dokumentave dhe shpërdorim detyre duke favorizuar kundrejt ryshfetit tregtarin elbasanas për të shmangur detyrimin doganor.