HRW, thirrje Jemenit t’i japë fund martesave të fëmijëve

19

3263380965Organizata Ndërkombëtare për ruajtjen e të drejtave të njeriut, Human Rights Watch,  i bën thirrje Jemenit të mbrojë fëmijët nga martesat e parakohshme dhe të vendosë si moshë ligjore për martesë, moshën 18 vjeç. Tranzicioni aktual politik dhe procesi për hartimin e një Kushtetute të re, është momenti i duhur, sipas HRW për t’i ofruar qeverisë së Jemenit, një mundësi për krijimin e hapësirës ligjore për mbrojtjen e fëmijëve.

Historia e një vajze 8 vjeçare në fillim të shtatorit, e cila pësoi hemorragji deri sa ndërroi jetë, natën e martesës pasi u përdhunua nga burri i saj që ishte në të 40-tat, ishte tronditëse. Që prek këtij momenti aktivistët kanë diskutuar mbi forma të ndryshme sociale mediatike për të luftuar praktikën e martesës së fëmijëve.

Qindra vajza të vogla në Jemen, u rrëmbehet e ardhmja shkollore dhe u shkatërrohet e ardhmja, sepse janë të detyruara të martohen shumë herët. HRW i bën thirrje qeverisë së Jemenit, t’i japë fund këtyre praktikave abuzive.