Gruaja gjen në një çantë kokën e ish-futbollistit brazilian

19

futbollistiIsh-futbollisti brazilian, Rodrigo Joao Silva Santos, është masakruar në mënyrë barbare, duke ja prerë kokën dhe duke ja futur në çantën e tij të shpinës. Policia braziliane bën me dije se ka qenë gruaja, ajo e cila herët në mëngjes e ka gjetur kokën e burrit të saj në një çantë shpine të vendosur prapa derës së shtëpisë. Sipas deklaratave të bëra në polici, gruaja e Santosit tha se në mëngjes kishte dëgjuar zhurma jashtë derës së shtëpisë. Ajo menjëherë kishte dalë jashtë dhe kishte parë çantën e Santosit të pragu i derës. Kur ajo kishte hapur çantën, pa se brenda ishte koka e burrit të saj.

Policia e Rio de Zhanero dyshon se krimi makabër është kryer nga trafikantët lokalë të drogës.

Policia bën të ditur se futbollisti 35-vjeçar, i është prerë koka, gjuha dhe ia kishin nxjerrë edhe sytë.

Santos ishte shkëputur nga futbolli para 2 vitesh dhe më herët ai ka pasur një karrierë të suksesshme, duke luajtur për disa ekipe në Rio de Zhanero, si dhe për klubet në Suedi dhe Honduras. Ai pasi u shkëput nga futbolli hapi një dyqan ushqimoresh dhe punonte atje. Policia tha se Santos, mund të jetë rrëmbyer pasi ka mbyllur dyqanin mbrëmjen e djeshme. Gruaja tha se krimi ka të bëjë me ndihmesën që Santos i ka dhënë policisë për të goditur bandat e Rios, aksion ky i ndërmarrë në kuadër të Kupës së Botës 2014 që do të zhvillohet në Brazil.