Në ceremoninë e betimit në shkollën e oficerëve të Selanikut ka qenë e pranishme edhe oficerja shqiptare Armela Karoli.
Ministri i Mbrojtjes së Greqisë, Dhimitris Avramopulos, u dorëzoi shpatat oficerëve të rinj të diplomuar, të cilët u betuan në shkollën e oficerëve të Selanikut.
Midis oficerëve të rinj ishte dhe Armela Karoli, mjeke e sektorit shëndetësor të ushtrisë, me gradën Nëntogere. Ministri i Mbrojtjes, Dhimitris Avramopulos, i dorëzoi shpatën edhe vajzës shqiptare. Pas ceremonisë së betimit Ministri pati një bisedë të shkurtër me oficeren shqiptare ku i pranishëm ishte dhe Komandanti i shkollës.
