Grabitje me armë dhe maska në fshatin Kotë të Vlorës.

19

grabitjeNgjarja është shënuar në orën 21:00 të mbrëmjes së djeshme kur 3 personave që udhëtonin me një makinë tip “Fuoristradë” u kanë zënë pritë 3 persona të maskuar. Nën kërcënimin e armës shtetasi Besmir Danaj 28 vjeç dhe 2 bashkëpunëtorët e tij, kanë zbritur nga makina personat që ndodheshin në të, duke u grabitur mjetin, 1 milion lekë si dhe dhe sendet personale. Më pas autorët kanë braktisur makinën dhe 2 prej tyre kanë mundur t’i shpëtojnë ndjekjes së uniformave blu. Në pranga vetëm Besmir Danaj.

Akuzat që rëndojnë ndaj tyre janë vjedhje me armë, armëmbajtje pa leje dhe heqje e paligjshme e lirisë, kryer në bashkëpunim. Policia bën të ditur se nuk kishte asnjë konflikt mes personave të grabitur dhe autorëve, ndërkohë që të arrestuarit, shtetasit Besmir Danaj, iu gjet dhe një armë zjarri, pistoletë.