Fier, makina del nga rruga dhe përplas për vdekje dy kalimtarë

19

Dy persona kanë humbur jetën në një aksident të rëndë automobilistik që ka ndodhur në fshatin Arapaj të Roskovecit në Fier.

ABC News raporton se viktimat janë Amarildo dhe Festim Dogani, dyshohet kushërinj me njëri-tjetrin.

Sipas burimeve policore, këmbësorët kanë qenë duke ecur në anë të rrugës kur u përplasën nga një makinë. Të njëjtat burime nga vendngjarja sqarojnë se automjeti humbi kontrollin dhe doli nga rruga, duke përplasur edhe dy viktimat.

Në vendngjarje kanë shkuar forca të shumta policore, të cilat kanë nisur hetimet për këtë aksident të rëndë.