Brukseli është një vend ku qindra mijëra shqiptarë kanë emigruar, në kërkim të një jete më të mirë.

Me shumë punë, përkushtim dhe vizion, shumë shqiptarë kanë mundur që të mos mbeten thjeshtë “emigrantë”, por janë integruar duke kontribuuar për zhvillimin e mëtejshëm, përmes arsimimit që kanë marë atje.

I tillë është edhe rasti i Denisës, një vajze me origjinë nga Kukësi, por që prej vitesh jeton bashkë me familjen e saj në Belgjikë.

Denisa Nela, aktualisht është 24-vjeçare, ajo ka studiuar për Ekonomi-Financë dhe po përfundon edhe specializimin për Fiskalitet.

Denisa aktualisht punon në zyrën e financave në një Organizatë ndërkombëtare. Fokusi saj është në: Menaxhimin e burimeve njerëzore, lëvizshmërinë, biznesi e organizimi si dhe mirëqenia e kafshëve.

Duke parë formimin e saj, mbështetjen nga familja por edhe komuniteti i zonës, ajo ka vendosur që të garojë në zgjedhjet lokale që pritet të mbahen shumë shpejt në Bruksel, për pozicionin e këshilltares bashkiake, në partinë Fronti Demokratik Frankofon.

E kontaktuar nga Ekonomix.al, Denisa thotë, se nuk është aspak e lehtë që një shqiptare të garojë në një garë në Belgjikë, por se ajo synon që ëtë ndihmojë komunitetin belg, por edhe atë shqiptar.

“Absolutisht nuk është e letë, madje do të thoja shumë e vështirë. Por, Belgjika për mua dhe familjen time ka qenë dhe mbetet një vend që vlerëson gjithsecilin, për atë që përfaqëson. Ne si shumë shqiptarë të tjerë, jemi integruar shumë mirë në Belgjikë dhe mundohemi të kontribuojmë për këtë vend, pasi këtu jemi arsimuar” thotë Denisa.

E pyetur, se çfarë ajo zotohet, se do të realizojë, nëse fiton garën për në Këshillin Bashkiak, ku renditet e 8-ta në listën shumëemërore, Denisa thotë:

“Unë jam zotuar të dëgjoj bashkëqytetarët për të parë se çfarë i bën ata të ndihen të sigurt në qytetin tonë. Të shqyrtoj mundësitë e sinergjive të mundshme që do t’u mundësojnë aktorëve tanë ekonomikë dhe sportivë të përfitojnë nga roli i kapitalit evropian që i atribuohet qytetit tonë.

Nga ana tjetër, jam zotuar për të mbrojtur zbatimin e një plani të përgjithshëm të caktimit të punës për të përmirësuar lëvizshmërinë si në qytet dhe në rajon. Unë marr përsipër të shqyrtoj dhe kontrolloj bilancet, buxhetet dhe llogaritë e organizatave të varura në qytet dhe të informoj shokët e mi dhe bashkëqytetarët tanë. Unë premtoj të dëgjoj tregtarët tanë, për të parë së bashku atë që mund të bëjmë për të përmirësuar qytetin tonë”.

Denisa si një vajzë e re dhe me vizion ndryshe, ka vendosur edhe prioritetet e saj, se çfarë mund të bëjë ajo për Belgjikën, vendin që e strehoi dhe e edukoi.

Prioritetet e mia për Brukselin janë të qarta: Siguria në mënyrë që të gjithë dhe çdo njeri, pavarësisht nga mënyra e tij e jetës, mund të ndjehen të sigurtë. Brukselin dua të kontribuoj që ta kthej në kryeqytetin e Evropës në mënyrë që të gjithë të përfitojnë nga mundësitë e jashtëzakonshme të funksionit.

Synoj menaxhim rigoroz për të siguruar që punët publike menaxhohen në mënyrë profesionale dhe me një baba të mirë në shërbim të qytetarëve. Nga ana tjetër, ofrimin e lëvizshmërisë, në mënyrë që të gjithë të lëvizin shpejt, të qetë dhe me efikasitet në qytet. Por nuk dua të lë pas edhe tregtarët, në mënyrë që tregtarët tanë të gjejnë një ambient të favorshëm për zhvillimin e tyre, sepse ata janë ata që e bëjnë prosperitetin dhe kënaqësinë e qytetit tonë” thotë Denisa.
Flutura Tota, Ekonomix.al

Kryeministri Edi Rama tha se çështja e njohur si “Babalja” ishte një konspiracion i mirëfilltë për të rrëzuar qeverinë. Në një komunikim me gazetarët, ai paralajmëroi se do të zbardhet e gjithë e vërteta dhe do të dalin të gjithë emrat dhe mbiemrat që janë përfshirë në këtë çështje.

Pyetje: Me aq sa ju keni dijeni mbi filmin që e quani Babalja 1, a ka deputetë të PD që meritojnë me akuza penale dhe e dyta kur flisni për dy skuta shtetërore a dyshoni ju te SHISH?

Rama: Ja u kam lënë juve të bëni gazetari dhe mos tundni dybekun në kazan. Po të bëni gazetari i jepni përgjigje shumë thjesht këtyre pyetjeve dhe ja kishit dhënë përgjigjen shumë më përpara sesa prokuroria të arrinte në gjysmë konkluzionet që ka arritur deri tani.

Unë i di të gjitha nga fillimi deri në fund, sepse kam angazhuar një grup të posaçëm që është marrë nga fillimi deri në fund për të ditur unë vetë në radhë të parë të vërtetën. Pres që e vërteta të dalë e plotë. Nuk kam për ta lënë pa e nxjerrë edhe sikur për 1001 arsye të mos arsyes të mbulohet apo të zbutet.

Unë nuk jap vendime, as bëj pretenca për fat të mirë, jemi në një sistem ku pushtetet janë të ndara, por të jeni të bindur që shqiptarët do ta mësojnë nga A te ZH, jo me institucione, me emra dhe mbiemra, kush është përfshirë në këtë konspiracion për rrëzimin e qeverisë, i tillë është.

Pyetje: Cili është roli i ish-kreut të kundërzbulimit të FBI në grupin që ju keni ngritur për zbulimin e çështjes Babale dhe a ka pasur ai një sugjerim?

Rama: Nuk kam asnjë koment, ne jemi seriozë në luftën tonë kundër krimit, në luftën kundër burimeve që financiojnë krimin, në luftën kundër shmangies nga detyrimet, pastrim para dhe evazion sepse kjo është detyra jonë. Nga ana tjetër ne nuk jemi në pozitën, unë sidomos të bëj punën tuaj, të bëj analiston apo të ngutem në reagime. Ju psh mund ta kishit zbuluar më parë që kamerat e Fushë Krujës e kanë të vërtetën brenda. U tha në deklaratë, por nuk është detyra ime të bëj punën tuaj dhe as të krijoj idenë që po ndërhyj në këtë proces. Kameta janë në prokurori, ikni gjeni Ballën, atë oficerin në ditën kur i kanë vënë revolen në kokë. Çfarë taksirat kanë familjet shqipar, që të bombardohen cdo ditë me këtë baltë dhe mos ta marrë vesh i pari të dytin. Dhe në fund kë duhet të bësojnë. Njëra palë thotë kështu, njëra ashtu. Po ju ku jeni? Ju jeni tavolina që jepni mundësinë të luhet ping-pong.

Platforma e opozitës, Rama: S’pata kohë ta dëgjoja, u mora me demaskimin e “Kinostudios”

Sa i përket platformës të them të drejtën kam qenë i zënë dje me demaskimin e “Kinostudios” dhe nuk e kam parë, por duke sjellë në vëmendjen tuaj faktin që në filmin “Babale 1” kemi bashkëpunim me elementë të krimit të organizuar, kemi korrupsion, kemi përfshirje të drejtpërdrejtë të partisë politike në bashkëpunim dhe me oferta korruotive dhe kemi edhe më shumë se kaq, sepse filmi është i koncoptuar dhe është shkruar në dy skuta të shtetit shqiptar, unë do ju ftoja të jepnit një ndihmëse për publikun. Kjo shfaqje ekstreme e burtalitetit të politikës më të ulët ndaj opinionit publik të mos kalojë si një nga shfaqejt e radhës.