Arrestohet pas dy javësh, vrau kunatën

By

-

Policia e Tiranës ka vënë në pranga Dashamir Xhepen, i cili ishte shpallur në kërkim për vrasjen e kunatës së tij, Lirie Xhepa, në 13 shkurt të këtij viti.

Kapet dhe arrestohet autori i dyshuar i vrasjes së shtetases L. Xh., ngjarje e ndodhur më 13 shkurt 2019, pranë kodrave të liqenit të Sharrës.

Në pranga dhe një tjetër shtetas për “Përkrahje të autorit të krimit”.

Shërbimet e Policisë Tiranë, pas identifikimit të autorit të dyshuar të vrasjes së shtetases L. Xh., janë vënë në ndjekje intensive të tij. Në sajë të informacioneve të marra në rrugë operative shërbimet e Policisë lokalizuan vendodhjen e autorit të dyshuar, shtetasit D. Xh., dhe bënë kapjen dhe arrestimin e tij në qytetin e Peshkopisë ku dhe strehoej.

Gjithashtu u arrestua dhe shtetasi M. S., për “Përkrahje të autorit të krimit”, i cili ka ndihmuar dhe strehuar autorin e dyshuar.

Materialet i kaluan Prokurorisë së Rrethit Gjyqësor Tiranë, për veprat penale “Vrasje për shkak të marrëdhënieve familjare”, “Armëmbajtje pa leje”, në ngarkim të shtetasit D. Xh., dhe për veprën penale “Përkrahje e autorit të krimit”, në ngarkim të shtetasit M. S.

OKB në alarm, Gjuha shqipe e arbëreshëve rrezik zhdukje

By

Albania Plus

-

Gjuha shqipe e arbëreshëve të Italisë është në rrezik zhdukje. Ajo është një nga gjuhët e përfshira në projektin e sapo lancuar nga OKB për shpëtimin e mbi 3000 gjuhëve ndër rreth 7000 që janë sot në botë.

Projekti “Endagered Languages Project” i realizuar nga një grup ekspertësh në fushën e edukimit, gjuhës e shkencës të OKB, në bashkëpunim me mjaft universitete të botës dhe motorin e kërkimit Google, ka si synim të mbajë gjallë memorien e së shkuarës përmes gjuhës e të sensibiliziojë opinionin publik botëror mbi problemin e gjuhëve në rrezik zhdukje.

“Me çdo gjuhë që vdes, humbet një trashëgimi e madhe kulturore”, nënvizojnë ekspertët botëror të gjuhës. “Humbet vizioni unik i botës, humbet dëshmia e shekujve të jetës.”

Njohja e ekzistencës së një gjuhe mund të jetë hapi i parë për t’i zgjatur asaj jetën.

Ekspertët e këtij projekti vënë në dispozicion të portalit të tyre materialin e duhur informativ mbi çdo gjuhë në rrezik, si dhe ftojnë partnerë e individë të jenë aktiv në kontributin e tyre në dhënien e informacionit të shkruar e audio viziv për çdo gjuhë në rrezik të lartë zhdukje. Ndërsa motori i madh i kërkimit Google, do të realizoj lancimin e këtij projekti dhe mbikëqyrjen e zhvillimit të tij në kohë afatgjate.

Sipas projektit “Endagered Languages Project” të OKB, në Itali gjuha e folur nga minoranca etnike arbëreshe është në rrezik zhdukje.

Informacioni i shpërndarë deri më tani nga ekspertët linguistik të këtij projekti, thotë se gjuha arbëreshe është një dialekt i Shqipërisë së Jugut e përdorur nga pakica etnike e arbëreshëve që llogariten të jenë sot nga 100 mijë deri në 200 mijë persona që jetojnë në të gjithë territorin italian përfshirë dhe ishujt. Shumica e arbëreshëve të Italisë është përqendruar në jug të vendit, në Kalabri e Sicili.

Gjuha e arbëreshëve të Italisë është e njohur nga shteti italian dhe e mbrojtur nga ligji 482 i viti 1999. Shpesh herë komunat e arbëreshëve të Italisë kanë kërkuar më shumë fonde nga qeveria italiane për ruajtjen e mësimit të gjuhës shqipe në shkollat publike.

Në nivel universitar në disa universitete italiane ekziston katedra e gjuhës shqipe si në Universitetin e Napolit, të Palermos, Cozencas, në Bari e La Sapienza në Romë.

Mbajti fetusin e vdekur në bark për 13 vite

By

Albania Plus

-

Historia e pabesueshme vjen nga Francavilla Fontana, në Brindisi të Italisë.

Gruaja prej vitesh u përball me dhimbje të cilave askush nuk iu jepte shpjegim dhe që pas lindjes as mjekët nuk kishin kuptuar se çfarë ndodhte në barkun e saj.

Në vitin 2005, gruaja e cila ishte nënë edhe e tre fëmijëve, zbuloi se ishte sërish shtatzënë. Ajo ishte duke punuar në një fushë me luleshtrydhe, kur për shkak të një dhimbje të fortë që pati në bark, shkoi në spital, ku mjekët i thanë se ishte në pritje të një fëmije. Por gjatë shtatzënisë gruaja nuk shfaqi asnjë komplikim dhe as në momentin e lindjes me operacion, mjekët nuk e zbuluan fetusin tjetër.

Por qysh pas lindjes gruaja pësonte hemorragji të herë pas hershme pa arsye. Ishte një rënie të fikëti dhe dërgimi në spital, ato që i shpëtuan jetën gruas pak ditë më parë, shkruan noa.al.

Kështu pas analizave të thelluara u bë zbulimi makabër, në barkun e 53-vjeçares, ishte një fetus, motra binjake e fëmijës së fundit, e cila ishte kalcifikuar brenda nënës.

Lidhur me këtë rast kanë nisur hetimet, ndërkohë që nga pikëpamja mjekësore cilësohet e çuditshme se si askush nuk ka arritur të pikasë praninë e një fetusi prej 8 centimetrash.

Mirëpo nga pikëpamja mjekësore ky fenomen quhet si ‘lithopedion’ dhe ka të bëjë me vdekjen e fetusit gjatë një shtatzënie jashtë mitre.

Në një rast të tillë fetusi vdes në bark dhe absorbohet bashkë me ambientin që e rrethon.

Misteri i liqenit rozë në Australi

By

Albania Plus

-

Në ishullin më të madh të Arkipelagut “Recherche” të Australisë shtrihet një pikturë e çuditshme.
Një liqen rozë i quajtur “Liqeni Hillier” ka tërhequr mijëra turistë dhe shkencëtarë për vite të tëra, duke çuar edhe në spekulime se pse ky liqen ka këtë ngjyrë – që mendohej të ishte për shkak të algave të cilat ‘dashurojnë’ kripën.

Në një hulumtim të ri, hulumtuesit konfirmuan prezencën e tyre dhe të shumë mikrobeve të tjera, të cilat kontribuojnë që liqeni të ketë këtë ngjyrë të pazakonshme, transmeton Gazeta Express.

Liqeni përshkruhet nga shkencëtarët si liqeni më i pazakonshëm në botë, i cili ka një ekosistem në të cilin jo shumë krijesa mund të jetojnë.

Shkencëtarët hulumtuan burimin e ngjyrës rozë të liqenit, dhe gjetën se mikrobet janë ato që ia japin këtë ngjyrë.

Trump shtyn rritjen e tarifave ndaj produkteve kineze

By

Albania Plus

-

Presidenti amerikan, Donald Trump tha se do të shtyjë rritjen e planifikuar të taksave për mallrat kineze, duke përmendur “përparimin e konsiderueshëm” në negociatat me Pekinin si justifikim.

“Jam i lumtur t’iu njoftoj se, Shtetet e Bashkuara kanë bërë përparim të konsiderueshëm në bisedimet me Kinën për çështje strukturale, duke përfshirë mbrojtjen e pronës intelektuale, transferimin e teknologjisë, agrikulturës, monedhave dhe aspekteve të tjera”, ka thënë ai përmes një postimi në rrjetin social “Twitter”.

“Unë do të shtyj rritjen e tarifave amerikane, që ishte planifikuar të ndodhte më 1 mars. Duke parashikuar se të dyja palët do të arrijnë përparim të mëtejshëm, ne do të planifikojmë mbajtjen e një takimi me presidentin kinez, në mënyrë që të arrijmë një marrëveshje. Një fundjavë shumë e mirë për Shtetet e Bashkuara dhe Kinën”, ka shtuar ai.

Trump kishte planifikuar rritjen e tarifave për mallrat kineze me një vlerë prej 200 miliardë dollarësh, nga 10 për qind që janë tani në 25 për qind, nëse nuk do të arrihej një marrëveshje deri më 1 mars.

Lufta tregtare mes dy gjigantëve globalë ka ndikuar në tregjet e aksioneve dhe ka rritur shqetësimet për luftë tregtare globale. Trump ka justifikuar vënien e taksave ndaj Kinës, duke përmendur praktikat e padrejta të autoriteteve kineze ndaj SHBA-ve, si dhe ka kërkuar ndryshime rrënjësore nga ky shtet për sa i takon respektimit të pronës intelektuale dhe eliminimit të pengesave për kompanitë amerikane në tregun kinez.

10 këshilla si të mbrohemi nga gripi

By

Albania Plus

-

Në këto ditë të ftohta, kur ndryshimet e temperaturave dhe lagështira në ajër na krijojnë probleme të shumta shëndetësore duhet të marrim masa për t’u ruajtur nga virozat e stinës.

Po çfarë duhet të bëjmë për t’u mbrojtur nga gripi, që rrezikon të na mbajë deri në një javë të shtrirë në shtrat? Huffington Post rrëfen 10 sekrete të vogla, që na krijojnë mundësi për t’u mbrojtur në mënyrë efikase nga gripi. Janë këshilla shumë të thjeshta, e që kushdo nga ne mund t’i aplikojë pa asnjë problem.

1. Të lajmë duart, pasi bakteret e fshehura në to mund të përcjellin në organizëm mikrobet, nëse me duart të palara prekim mukozën e hundës apo sytë.

2. Gjumi. Nëse flemë 7-9 orë në ditë arrijmë ta përballojmë shumë më mirë gripin

3. Bëni ushtrime gjimnastikore. Tonifikimi i muskujve na ndihmon të luftojmë influencën.

4. Rrisni dozat e zinkut, pasi ky mineral e lufton shumë mirë virusin e gripit. Në të njëjtën kohë evitoni konsumin e yndyrnave dhe sheqerit

5. Konsumoni hudhra. Hudhra ka rezultuar mjaft efikase në luftën kundër virozave të stinës.

6. Konsumoni ujin, pasi kështu e ndihmoni sistemin imunitar që të luftojë në mënyrë efikase gripin.

7. Qeshni, pasi optimizmi përveçse na mban në formë të mirë shpirtërore, ndihmon edhe në përmirësimin e gjendjes shëndetësore.

8. Bëni masazh, sepse në këtë mënyrë ndihmoni në përmirësimin e qarkullimit të gjakut.

9. Kryeni marrëdhënie seksuale. Dy akte gjatë javës janë të mjaftueshme për të rritur sasinë e imunoglobinës A.

10. Evitoni pirjen e alkoolit, pasi ai dobëson sistemin imunitar.

Nis gjyqi për Klement Balilin

By

Albania Plus

-

Në Gjykatën e Krimeve të Rënda nisi gjyqi ndaj Klement Balilit.

Trupa gjykuese përbëhet nga një treshe gjyqtarësh, të kryesuar nga gjyqtarja Flora Hajredinaj.

Pritet të shqyrtohet kërkesa për të proceduar me gjykim të shkurtuar.

Në dosjen e prokurorise thuhet se nga informacioni i policisë, rezultonte se nga fundi i muajit Maj 2015 shërbimet ligjzbatuese greke dhe DEA- s në Athinë kanë qenë duke hetuar në lidhje me një organizatë kriminale për trafikimin e lëndëve narkotike e përbërë nga shtetas grekë, shqiptarë dhe nga vendet e Evropës Qëndrore.

Kjo organizatë kriminale merrej me trafikimin e lëndëve narkotike të llojit kokainë dhe kanabis sativa duke përdorur për transport kamionë që janë të regjistruar në vende të ndryshme të Evropës në pronësi të kompanive që zotërohen nga shtetas grekë dhe përdorin si përfaqësues të këtyre firmave njërëz të ndryshëm.

Mbi Balilin rëndojnë 4 akuza: Trafikim i lëndëve narkotike kryer në bashkëpunim në formën e grupit të strukturuar kriminal” “Pjesëmarrje në grup të strukturuar kriminal”, “Refuzim për deklarim dhe moskdeklarim, fshehje ose deklarim të rremë të pasurisë” “Pastrim të produkteve të veprimtarisë kriminale”

Balili nuk e ka pranuar akuzat ndërsa pas rreth dy vjet ne kerkim ai u vetëdorëzua në momentin kur dosja vajti për gjykim.

KLP, ja pse nuk shkarkojmë dot Arta Markun

By

Albania Plus

-

Ora News ka publikuar letrën që kreu i KLP-së i ka dërguar krerëve të grupeve parlamentare të PD-së dhe LSI-së, zotit Edmond Spaho dhe Petrit Vasili ku shpjegon arsyen përse nuk është në kompetencë shqyrtimi i kërkesës së tyre për shkarkimin e Arta Markut nga posti i Prokurores së Përgjithshme.

Letra e krerëve të dy grupeve parlamentare mban datën 28 janar 2019 ndërsa u shqyrtua nga KLP ne mbledhjen e datës 22 shkurt 2019. Në letër PD e LSI akuzon Prokuroren Arta Marku se ka shkelur rëndë ligjin duke mos përmbyshur detyrimin ligjor për verifikimin e plotësimit të kushteve ligjore nga kandidatët, duke u nisur nga rasti i Bujar Sheshit dhe i kërkon KLP nisjen e procedimit disiplinor duke urdhëruar shkarkimin e menjëhershëm nga detyra.

Por KLP ne mbledhjen e dates 22 shkurt shpalli moskompetencën e saj. Ne letrën që mban firmën e Gent Ibrahimit, kreut të KLP-së dhe mban datën 22 shkurt argumentohet:

1- E drejta për nisjen e procedimit disiplinor ndaj Prokurorit të Përgjithshëm i takon Inspektorit të Lartë të Drejtësisë.

2 – Dispozitat tranzitore të Kushtetutës nuk parashikojnë se cili institucion do të ushtrojë kompetencën për nisjen e procedimit disiplinor ndaj Prokurorit të Përgjithshëm në periudhën kalimtare deri në krijimin e Inspektoriatit të Lartë të Drejtësisë.

3- Deri në përfundim të mandatit të Kolegjit të Apelimit procedimet disiplinore kundër Prokurorit të Përgjithshëm shqyrtohen nga Kolegji i Apelimit dhe jo KLP.

Gjyqtarit që shpëtoi Dajtin i gjenden 20 000 euro në shtëpi

By

Albania Plus

-

Njërit prej gjyqtarëve që shpëtoi Dritan Dajtin nga burgimi i përjetshëm i janë gjetur në shtëpinë që ka në Tiranë një shumë prej 20 000 eurosh.Shuma e parave u gjet pas kontrolleve që janë kryer mëngjesin e sotëm nga forcat e policisë në banesat e tre gjyqtarëve që zbutën dënimin për Dritan Dajtin në Apelin e Krimeve të Rënda.

Gjyqtari Skënder Damini ka edhe një banesë tjetër në Vlorë

Vritet me armë në kokë një grua në Sharrë

By

Albania Plus

-

Një grua e masakruar është gjetur në afërsi të Liqenit të Sharrës. Në trupin e viktimës kishte shenja të cilat mendohen se mund të jenë bërë më mjete të forta si dhe tre plumba. Njërin e kishte marrë në kokë dhe dy të tjerët në pjesë të ndryshme të trupit.

Viktima identifikohet si Lirie Xhepa, 49 vjeç, banore e zonës. Kanë qenë banorët ata që kanë lajmëruar policinë dhe menjëherë efektivët e Komisariatit Nr. 6 kanë ardhur në vendin e ngjarjes bashkë me grupin hetimor.

Familjarët e viktimës na thonë që Liria ishte e ve prej 15 vitesh: “Ishte grua e sjellshme, e mirë, unë i kam njerëzit e mi ata… I ka vdekur burri para 15 vitesh dhe ishte grua e lartë. Punonte tek çanta në Kombinat”.

Lirie Xhepa ishte nënë e 4 fëmijëve. Prej vitesh ajo banonte me dy djemtë e saj. Më i madhi ndodhet në Londër, ndërsa djali i dytë ndodhet në burg për arsye që nuk dihen.

Polica po heton për zbardhjen e ngjarjes dhe kapjen e autorit. Ai mendohet se është kunati i saj, Dashamir Xhepa, i cili është shpallur në kërkim nga policia. Mes viktimës dhe autorit mendohet se ka patur një lidhje intime, e cila mund të jetë bërë shkak për vrasjen në këtë ditë të Shën Valentinit.

Të gjithë familjarët e saj janë marrë në pyetje. Trupi i nënës me 4 fëmijë u gjet nga banorët e zonës që lajmëruan edhe policinë.