Ndonëse nuk i është përgjigjur akoma akuzave për shkatërrim të fshehtë të armëve kimike gjatë qeverisjes së tij, të bëra publike sot nga e përditshmja Dita, ish Kryeministri Sali Berisha e konsideron qeverinë Rama- Meta si të papërgjegjshme, pasi po mban kodin e heshtjes ndaj qytetarëve shqiptarë për shkatërrimin e armëve siriane.
“Te dashur miq, prej mese tre javesh opinioni publik shqiptar ndjek thellesisht i tronditur lajmet e mediave boterore, sipas te cilave qeveria shqiptare ka pranuar sjelljen ne Shqiperi te arsenalit sirian prej 1300 ton (njerit prej me te medhenjeve ne bote) te armeve kimike per tu shkaterruar ne vendin tone.
Nderkohe qeveria Rama – Meta, ne nje akt te papergjegjshem por dhe poshterues mban me fanatizem kodin e heshtjes ndaj qytetareve dhe opozites shqiptare sikur keta te mos egzistonin, te mos jetonin ne kete vend apo sikur ata nuk duhet te kene qendrimin e tyre te bazuar ne te dhena te sakta per nje çeshtje te rendesise te dores se pare, jo vetem per boten dhe qeverine shqiptare por dhe per opoziten dhe qytetaret shqiptar.
Ata flasin me shqiptaret dhe opoziten sikur flasin me armiqte apo me palen e Asadit dhe ky eshte turp dhe vetem turp. Informimi i qytetareve dhe opozites eshte detyrim ligjor dhe kushtetues. Por per qeverine Rama – Meta ligji dhe Kushtetuta nuk ekzistojne! sb”,- shkruan Berisha ne FB.
