“Shtetet e Bashkuara dhe ekonomitë e tjera botërore, do të ballafaqohen me shkallë të lartë interesi, rënie të besimit dhe rritje të ngadalshme ekonomike, nëse Kongresi i Shteteve të Bashkuara nuk kufizon borxhin, i cili deri tani është16 700 miliardë dollarë”, -ka deklaruar Kim.
Thesari i Shteteve të Bashkuara, ka thënë presidenti Kim, nuk do të ketë para të mjaftueshme për t’i paguar të gjitha faturat e vendit, nëse deri më 17 tetor të këtij muaji, nuk merren masa për kufizimin e borxhit.
Këto deklarata, presidenti i Bankës Botërore, i ka bërë në Washington, në mbylljen e takimeve vjetore të Bankës Botërore dhe Fondit Monetar Ndërkombëtar.