Balla, Bashës: Hiqni dorë nga heroi Zagan i dënuar për dekonspirim

15

Kreu i grupit parlamentar të PS-së, Taulant Balla, fton miqësisht Lulzim Bashën dhe Partinë Demokratike të heqin dorë nga heroi i tyre mediatik Dritan Zagani.
Sipas tij, nuk mundet që partia kryesore e opozitës të ketë hero një të dënuar me vendim të formës së prerë “Në emër të Republikës” me 3 vite burgim.
Balla ka publikuar dhe vendimin e gjykatës në fb ndërsa deklaron se nuk pret ndjesë nga demokratët.
“Nuk pres që Lulzimi Basha dhe as PD të kërkojë ndjesë. Sepse siç thashë në mëngjes, të gënjejë është e vetmja punë që Lulzim Basha di të bëjë më mirë.Por të betohesh për drejtësi mbi fjalët e një personi të arrestuar nga Gjykata e Krimeve të Rënda, bazuar në kërkesën e Prokurorisë së Krimeve të Rënda që në hetimin e saj ka konstatuar krimin e dekonspirimit (për llogari të një grupi trafikantësh) të një operacioni antitrafik të Policisë së Shtetit dhe më pas i dënuar nga Gjykata për largim nga vendi i qëndrimit të detyruar, kjo nuk është vetëm qesharake, por është shembulli më i qartë ku ka degraduar “vizioni” i PD për drejtësinë”.E mbyllim këtu këtë debat, Lulzim!”