Arvizu takohet me Ramën dhe Metën

21

rama-arvizu1Ambasadori i SHBA-ve Arvizu, ka takuar sot liderin socialist Rama në selinë e PS-së. Pas takimit Arvizu dha një prononcim të shkurtër për mediat duke theksuar dy momente të rëndësishme, një tranzicion të lehtë të pushtetit si edhe angazhimin e fortë të SHBA-ve.

“Dy gjërat më të rëndësishme për të cilat diskutuam ishte, e para që të ketë një tranzicion të butë. Dhe arsyeja e dytë është, që të ripohojmë edhe njëherë angazhimin e fortë të SHBA.

SHBA duan të jenë partnerë të vendit. Ky është mesazhi kyç, SHBA janë partnerë të Shqipërisë”,- deklaroi Arvizu.

Më pas Ambasadori amerikan  është takuar edhe me kreun e LSI-së, Ilir Meta. Takimet,  zhvillohen në kuadrin në vijim të mbylljes së procesit zgjedhor dhe pas deklarimit të humbjes nga ish-lideri demokrat Berisha.

.