AKU kontrollon fabrikën e pijeve në Nikel, dyshohet për produkte të falsifikuara

22

Autoriteti Kombëtar i ushqimit ka marrë kampione te pijeve alkoolike që prodhoheshin në magazinën prodhuese në Nikël të Krujës.
Kontrollet e AKU-së dhe Drejtorisë së tatimeve kanë nisur që të shtunën në këtë fabrikë të prodhimit të pijeve.
Dyshimet e para të AKU janë për falsifikim të pijeve të prodhuara si dhe ushtrim të aktivitetit në mungesë të kushteve higjieno-sanitare, raporton Ora News.
Ndërkohë, në lidhje me kontrollet e ushtruara është shprehur edhe pronari i magazinës, ku po zhvillohen kontrollet. “Aktivitetin e ushtrojmë prej 10 vitesh, jemi te pajisur me licence”, është shprehur ai.