Aksidenti rrugor ka marrë një tjetër jetë, kësaj radhe në Durrës. Viktima po drejtonte automjetin e tij, që ka dalë nga rruga, duke u përplasur fuqishëm me trafikndarësen.
Ngjarja ka ndodhur tek rrethrrotullimi i Shën Vlashit në Durrës, rreth orës 04 :00 të mëngjesit. Viktima raportohet të jetë shtetasi Shpëtim Tepshi.
Policia e Durrësit bëri të ditur, se Tepshi drejtonte automjetin tip ‘Benz’ me targë DR5629D, dhe në momentin e aksidentit ndodhej i vetëm në automjetin e tij.
Sipas Policisë së Durrësit, po punohet për zbardhjen e shkaqeve të aksidentit.
