Një ngjarje e rëndë ka ndodhur sot në një nga burgjet në Selanik, ndërsa është gjetur pa jetë një shqiptar, i cili akuzohej për përdhunimin e së bijës. Shqiptari, identiteti i të cilit nuk bëhet me dije, mbahej në Drejtorinë e policisë së Selanikut.
Ai është varur me copa të prera nga mbulesa e dyshekut. 48 vjeçari i ka dhënë fund jetës sot, ndërsa do të transferohej në burgun e Grevenasë. Shqiptari ishte arrestuar në datën 9 janar të këtij viti dhe se ka qenë gruaja e tij, e cila e kishte paditur për përdhunimin e vajzës 15 vjeçare.
