Këshilli i Lartë i Drejtësisë rrëzon propozimin e Ministrisë së Drejtësisë për miratimin e emërimeve të gjyqtarëve të rinj në sistemin e drejtësisë.
Ministri, Nasip Naço e ka cilësuar refuzimin e përfshirjes së kësaj pike në rendin e ditës një farsë. Naço ka theksuar se mungesa e Presidentit të Republikës, Bujar Nishani në mbledhje tregon qartë për vendimin.
Ai akuzoi për mungesë transparence dhe akuzoi se KLD qëllimisht nuk merr vendimin për plotësimin e vendeve vakante që krijuar prej tre muajsh.
Naço shprehet se KLD kërkon që të plotësojë këto vende me transferime, ndërsa vetë ai ka propozuar që të emërohen gjykatës të rinj.
“Jam për emërimin e gjyqtarëve të rinj. Mbeten pa u emëruar 15 magjistratë të rinj”, tha Naço.
Edhe anëtari i KLD-së, Sokol Çomo e ka cilësuar në shkelje të ligjit mbledhjen e sotme të KLD-së.
Në mbledhjen e sotme, Naço kërkoi emërime në disa gjykata të vendit, si dhe plotësimin e 13 vendeve vakante në Gjykatën e Tiranës.
