6 persona në pranga, sekuestrohen 300 kg kanabis sativa

45

kanabisPolicia ka sekuestruar, mëngjesin e sotëm, më shumë se 300 kilogramë lëndë narkotike “kanabis sativa” dhe ka vënë në pranga gjashtë persona.

Burime nga policia e Tiranës bëjnë me dije se operacioni kundër lëndëve narkotike në fshatin Shëngjergj, në periferi të kryeqytetit, është ende duke vazhduar.

Policia e ka nisur aksionin gjatë natës ndërsa janë sekuestruar edhe disa armë të llojeve të ndryshme. Në këtë operacion janë duke marrë pjesë forcat e komisariatit numër 4 të policisë së Tiranës dhe ato të Ndërhyrjes së Shpejtë.

Deri më tani, nuk janë bërë të ditur emrat e personave të arrestuar, pasi aksioni ende nuk ka përfunduar.