Viti i Ri me aksidente, një i vdekur, 2 të plagosur

47

policiaNjë person ka humbur jetën ndërsa dy të tjerë kanë mbetur të plagosur në dy aksidente të regjistruara në orët e parë të Vitit të Ri.

Rreth orës 05:45, në rrugën Tiranë-Durrës, një automjet me targa italiane EH381GJ si pasojë e humbjes së kontrollit, është përplasur me trafikndarësen. Për pasojë ka gjetur vdekjen e menjëhershme shtetasi, Gëzim Rexha, 60 vjeç.

Ndërkohë një aksident është shënuar pranë ish-restorant ‘Durrësit’, ku automjeti mje targa TR4498M me të cilin po udhëtonin dy persona është përplasur me një shtyllë.

Si pasojë e aksidentit kanë mbetur të plagosur dy personat, të cilët janë transportuar në spitalin ‘Nënë Tereza’ për të marrë ndihmën mjekësore,nga ku mësohet se ndodhen jashtë rrezikut për jetën.