Doni të dërgoni dikë në ferr? Dërgojeni atë në shkretëtirën Karakum, rreth 260 kilometra nga Ashgabat në Turkmenistan. Aty do të gjeni atë që është quajtur “Porta e ferrit”, e cila është një krater që digjet vazhdimisht dhe është e pamundur të fiket.
Turkmenistani është një vend i pasur me burime natyrore. Por sigurisht, kjo gropë e madhe e përjetshme në djegie nuk është vetëm një pikë me interes gjeologjik por edhe një destinacion turistik i vërtetë.
Ishte viti 1971, kur një grup gjeologësh zbuluan ekzistencën e “Portës së ferrit” fare rastësisht. Në fillim dukej thjeshtë si një krater gjigand me gazra helmuese. Norma e këtyre gazrave ishte aq e lartë që askush nuk guxonte të ndërmarrë zbritjen në gropë. Njëri nga gjeologët mendoi të ndezë gazrat, të cilat arritën deri në qytetin e afërt të Darvacës.
Tashmë që prej vitit 1971 “Porta e ferrit” djeg, falë burimit të saj të pashtershëm, gaz të djegshëm. 41 vite më vonë, askush nuk është i aftë të thotë sa gaz ndodhet akoma brenda gropës. Në fillim gjeologët menduan se gazi do të fikej për pak ditë. Për këtë motiv banorët e Darvazës e kanë quajtur këtë vend “Porta e ferrit”.
