Snowden kërkon azil politik në 19 vende të ndryshme

15
Edward Snowden
Edward Snowden

Eduard Snowden, personi që zbuloi për mbarë botën përgjimin gjigand, që bënin SHBA është shndërruar në personin më të kërkuar nga shteti amerikan.

Wikileaks ka raportuar, se ka dorëzuar 19 kërkesa për azil në vende të ndryshmë të botës, për Snowden që tashmë ndodhet në arrati i kërkuar për spiunazh dhe cënim të sigurisë kombëtare.

Mendohet se Snowden është duke qëndruar akoma në Moskë, në një nga aeroportet e saj, pasi SHBA bllokoi pasaportën e tij. Megjithëse, autoritetet amerikane i kanë kërkuar zyrtarisht Moskës që të dorëzojë Snowden, Moska ka mohuar një fakt të tillë që Snowden gjendet në Rusi.

SHBA kanë kërcënuar gjithashtu për sanksione, nëse vendet arrijnë t’i ofrijnë atij ndihmë.

Wikileaks thotë gjithashtu, se disa nga venet ku ka depozituar kërkesën e tij për azil janë Rusia, Kina, India, Brazili, Ekuador, Islandë, etj.