Vritet në Siri reperi i njohur gjerman Deso Dogg. Emri i plotë i tij është Denis Mamadou Gerhard Cuspert dhe ka lindur në Berlin më 1975. Ai e braktisi karrierën e tij rap kur u konvertua në fenë islame dhe mori emrin Ebu Maleeq. Fillmisht ai u zhvendos në Egjipt dhe më pas në Siri, ku luftoi në anën e forcave xhihadiste anti-qeveritare, ku dhe njihej me emrin e luftës Ebu Talha el-Almani. Pak muaj më parë ai ishte betuar për besnikëri ndaj grupit islamik të xhihadit, Shteti Islam i Irakut dhe Shamit. Në orët e para të mëngjesit të së martës 22 prill, u konfirmua vdekja e tij në një web-site në internet, ndërsa bashkëluftëtarët e tij akuzuan për vrasjen luftëtarët e grupit tjetër xhihadist Al Nusra. Të dy grupet xhihadiste, Shteti Islam i Irakut dhe Shamit dhe Al Nusra, kanë rekrutuar një numër të konsiderueshëm shqiptarësh. Më poshtë linku i njërës prej publikimeve të shumta të Dogg. http://www.youtube.com/watch?v=xlEV5XyKJI4
