Shoqërizimi ndihmon në ruajtjen e formës trupore dhe rënien në peshë

23

shoqerizimiTë kesh një jetë sociale të dendur, me shumë miq, të bën të kesh një trup më elegant, sesa harxhimi i orëve të tëra në një pistë vrapimi në palestër, sipas shkencëtarëve.

Ato pohojnë, se, të pasurit shoqëri dhe takimi me shumë miq ndihmon simulimin e niveleve të ‘dhjamit kaf’ në trup, i cili djeg kaloritë për të gjeneruar ngrohje. Të jetuarit në një mjedis social simulues, arriti të zvogëlojë gati gjysmën e dhjamit të barkut, tek minjtë eksperimentues, ne fillim të katër javëve, edhe pse ato hanin më shumë.

E mirë për shëndetin tuaj? Shoqërimi me miqtë tuaj, mund të krijojë  djegien e më shumë kalorive, se, sa  vrapimi në një tapet rrotullues. Hulumtuesit amerikanë thonë, se, simulimi social, ndihmon rënien në peshë, duke konvertuar dhjamin e bardhë, në dhjam kaf. Depozitat e dhjamit të bardhë, na bëjnë më të shëndoshë, ndërkohë dhjami ngjyrë kaf, djeg energjitë për të gjeneruar nxehtësinë trupore.

Konvertimi i dhjamit të bardhë në dhjam kaf, është i vështirë dhe normalisht kërkon ekspozim të gjatë në kushte ftohtësie ose aktivizimin e pjesëve të sistemit nervor trupor.

Gjithsesi, shkencëtarët nga Universiteti Shtetëror i Ohajos, tashmë mendojnë, se, të pasurit e një jete sociale të ngarkuar, është një mënyrë më efektive e të ndryshuarit të dhjamit të bardhë, në kaf.

Ekipi shkencor, studioi efektet e ndryshme në mjediset e jetesës të minjve. Përgjatë studimit minjtë që jetonin, në një grup të gjerë, kishin më shumë hapësirë dhe lodra, për të qenë të simuluar për të humbur në peshë, sesa pjesa tjetër, të cilët nuk ishin në këto kushte.

Gjithsesi, kjo nuk do të thotë, se, të mbajturit në formë nëpërmjet ndihmës së një tapeti vrapues, nuk është funksional.

Nivele të larta të dhjamit brun, mund ti atribuohen gjithashtu, një rritje të një substance kimike të trurit, të quajtur faktor neurotrofik i derivuar nga truri BDNF, i gjetur tek minjtë e shoqërueshëm. Autori i studimit, Dr. Matthew During, ka deklaruar se; ‘’ Jam i habitur me shkallën e humbjes së dhjamit, që ndodh. Sasia, që humbet, është më e madhe, sesa nëpërmjet tapetit vrapues. Është e vështirë të përcaktosh, kushtet e kalimit të dhjamit nga i bardhë, në kaf. Duhen muaj të tërë të ftohtë, dhe për më tepër, ai nuk e shndërron këtë dhjam, në të njëjtën mënyrë ndryshimi të butë, si në mjediset sociale dhe fizike’’.

Duke shpjeguar, se, si teknologjitë e reja, kanë kërcënuar shoqërizimin ballë për ballë, ai shton se : ‘’Nuk është thjesht, një lloj jetese sedentare dhe ushqime me kalori të lartë, por një mungesë në rritje e angazhimit social’’

Bashkautori i studimit, Dr Lei Cai, tha gjithashtu, se : ‘’Pas 4 javësh në një mjedis të pasur, dhjami i zonës së barkut te kafshët, u ul me 50 përqind. Ne shpesh mendojmë për stresin, si diçka negative, por disa lloj stresesh, mund të jenë të mira për shëndetin. Në fakt, një mjedis  i pasur, është më sfidues për kafshët, pasi atyre u duhet të merren me njëri-tjetrin dhe në një mjedis për më tepër, më të ndërlikuar. Ai shtoi gjithashtu, se, rezultati i ri mund të ofrojë një përqasje ndaj studimeve, që shfaqin një lidhje midis vetmisë dhe shëndetit të sëmurë. Vetmia, është një faktor i konsiderueshëm ndaj kancerit të thellë dhe vdekjes. Ajo, është në të njëjtin nivel me pirjen e duhanit dhe cigareve. Angazhimi social është shumë i rëndësishëm’’. 

mailonline.