Presidenti Barak Obama ka dhënë urdhër që flamujt në të gjithë Amerikën të ngrihen sot në gjysmë shtizë në nderim të Presidentit John Kennedy të vrarë 50 vjet më parë.Obama e cilësoi pararendësin e tij një shembull i jashtëzakonshëm i “udhëheqësit në shërbim të publikut”, i cili gëzonte vizion të gjerë dhe idealizëm të peshuar.
Obama vuri një kurorë në varrin e Presidentit Kennedy, i cili prehet në Varrezat Kombëtare pranë Uashingtonit.
Këmbanat e kishave do të bien në Dallas të Teksasit, ku Presidenti Kennedy u qëllua për vdekje. Po ashtu do të mbahen momente heshtjeje dhe historiani i njohur David McCullough do të lexojë pasazhe nga fjalimet e zotit Kennedy. Presidenti kishte afro 1000 ditë në Shtëpinë e Bardhë dhe ishte 46-vjeç kur u qëllua për vdekje gjatë udhëtimit me një makinë të hapur përmes Dallasit, gjatë një vizite për fushatë në prag të konkurrimit për mandatin e dytë./zëri i amerikës/
