SHBA kundër “shpëtimit” të Ukrainës: Po injorohet populli

43

obama putinShtëpia e Bardhë ka thënë të martën se marrëveshja ndërmjet Rusisë dhe Ukrainës nuk reflekton kërkesat e protestuesve në Kiev.

“Ne i bëjmë thirrje qeverisë së Ukrainës që të dëgjojë popullin e vet dhe të gjejë rrugën për t’u kthyer në rrugëtimin e saj drejt të ardhmes së saj paqësore, të drejtë, demokratike dhe ekonomike evropiane”, tha zëdhënësi Jay Carney.

Ndërkohë mijëra protestues vazhdojnë të qëndrojnë në rrugët e Kievit, përkundër temperaturave të ulta, kundër vendimit të qeverisë ukrainase për të refuzuar përafrimin me Bashkimin Evropian.

Administrata amerikane thotë se protestat në Kiev, reflektojnë anë tjetër të mëdaljes.
“Qytetarët e Ukrainës kanë aspirata evropiane”, tha Jay Carney.

Të martën në Moskë, presidentët e Rusisë dhe Ukrainës, Vladimir Putin dhe Viktor Yanukovych nënshkruan disa marrëveshje, përmes të cilave Kremlini do t’i akordojë Kievit kredi në vlerë prej 15 milardë dollarë.

Marrëveshjet u bënë të ditura pas takimit ndërmjet të presidentëve rus e ukrainas, Vlladimir Putin e Viktor Yanukovych në Moskë.

Presidenti Putin tha se çmimi i njësive të gazit, me të cilat furnizohet Ukraina, do të ulen për një të tretën e çmimit aktual, ose për 268.5$ për 1000 metra kub gaz.

Sipas tij, kjo masë është e përkohshme, ndërsa ka paralajmëruar se Rusia do të këmbejë bonot që ka në fondin e emergjencave në vlerë prej 15 miliardë dollarë, si garanci shtesë për sigurinë financiare ukrainase.

Ukraina ka nevojë për të paktën 10 miliardë dollarë për të ruajtur qarkullimin në ekonominë e saj.