Rusia ofron 2 milionë dollarë për shkatërrimin e armeve kimike siriane

12

siria-armi-chimiche-usaRusia do të ofrojë rreth 2 milionë dollarë për shkatërrimin e armëve kimike siriane, gjithashtu do të ofrojë edhe ndihmën e një grupi ekspertësh, ka thënë sot një zyrtar i lartë rus.

 “2 milionë dollarë së bashku me asistencën teknike, do të ofrohen nga Rusia për të ndihmuar një organizatë ndërkombëtare të eliminojë armët kimike të Sirisë”, njofton Reuters.

Lajmi vjen në një kohë kur Organizata për Ndalimin e Armëve Kimike, ka ngritur një fond prej 10 milionë euro, për armët kimike siriane, sipas një marrëveshjeje amerikano–ruse, të arritur në muajin shtator.

Organizata për Ndalimin e Armëve Kimike duhet të miratojë deri të premten një plan përfundimtar nga Siria për të shkatërruar armët e saj kimike. Presidenti Bashar al Assad ka thënë se duhen më shumë  ka fonde për të shkatërruar më shumë se 1.000 ton armë kimike deklaruara nga Siria.

“Rusia, në parim është e gatshme të ofrojë asistencë teknike, ekspertë dhe ndoshta ndihmë financiare. Kjo çështje është duke u diskutuar, por shuma është diku rreth 2 milionë dollarë,” ka thënë zëvendësministri i jashtëm rus, Gennady Gatilov.