Rama: Të blihen apartamentet stok

14

Në mbledhjen e sotme të qeverisë, kryeministri Edi Rama ka bërë thirrje për të gjithë ata që kanë apartamente stok, që të ulin çmimet, pasi nuk është momenti për të fituar.

Rama tha se po përgatitet një thirrje ndaj tyre, me të cilët do të procedohet sipas rregullave, pasi nuk është rasti për të blerë apartamente në funksion të fitimit të firmave.

“Është e rëndësishme të bëjmë një thirrje për të gjithë ata që kanë stok. Por shitësit duhet të dinë se nuk është rasti të shitet me çmim të lartë pasi nuk është rasti të blejmë për të fituar. Në momentin që flasim kemi 103 grupe inspektimi në terren dhe një numër të konsiderueshëm të ekspertëve të huaj. Janë shembur 33 objekte dhe 5 janë në proces. 105 objekte janë të futura në zonën e rrezikut. Këtu duhen angazhuar forca policie për të prishur këto banesa pasi nuk mund ta zgjasim këtë histori. Durrësi është pak më problem mesa kuptpoj per shkak te mungeses se apartamenteve. Po përgatitet edhe thirrja për blerjen e aparamenteve, çështje e pak ditëve. Është e rëndësishme të informohet publiku që do të bëjmë një thirrje për ata që kanë apartamente stok, por me një çmim të ulët. Të gjithë ata që disponojne stok duhet ta dinë që nuk është rasti për pazar dhe nëse do marrim çmimin në tavan të ulët që do të përcaktojmë sipas analizave te tregut do të procedojnë, përndryshe nuk do të procedojmë. Nuk është rasti për të blerë apartamente në funksion të fitimit të firmave”, tha Rama.