Kryeministri i vendit, Edi Rama do të shprehë sot pasdite qëndrimin e tij në lidhje me vendimin e Bashkimit Europian, për ta shtyrë në qershor vendimin për statusin kandidat.
Njoftimin Rama e ka bërë përmes një postimi në profilin e tij në “Twitter” dhe në “Facebook”.
“Sot në 19.30 live tv dhe livestream në FB e Twitter qëndrimi im për vendimin e djeshëm të BE për statusin e vendit kandidat për Shqipërinë” shkruan Rama.
Ndërkohë, ditën e djeshme në një postim në Facebook shkruant: “BE: Kompromis mes arritjeve të Shqipërisë dhe ngërçit të brendshëm jashtë Shqipërisë. Vlerësohet lart puna e qeverisë po vendimi në qershor!”
