Prezantuesja e BBC-së u vra nga sigurimi serb

49

jill-dando_2223357aNjë skuadër e agjentëve të sigurimit serb janë marrë në pyetje për faktet e reja të vrasjeve politike gjatë kohës së Milosevicit, e që ndërlidhen edhe me vrasjen e gazetares Jill Dando. Vrasja e gazetares Jill Dando, e cila u vra pas shpine me një plumb në kokë, besohet se është kryer nga një burrë serb që punonte për diktatorin Slobodan Milosevic, ka aluduar e veja e gazetarit serb Slavko Curivija, e cila e ka aktualizuar vrasjen gjatë ditës së djeshme. Përderisa katër janë të njohur më emër e mbiemër, Branka Prpa ka thënë: Besoj që ata e kanë vrarë edhe Jillin.

Agjentët sekret janë lidhur me vrasjen e Jill Dando, dhe të gjithë kishin pozita të larta gjatë regjimit brutal serb të Milosevicit. Lideri i dhunshëm thuhet se ka qenë në armiqësi kundër prezantueses së BBC-së pasi që ajo kishte paraqitur suksesshëm të zhvendosur kosovarë dhe pastrimin brutal etnik në programin e saj që e ka bërë gjatë viteve ’90. Përderisa tre burra ishin në atë mbrëmje në pyetje ata janë marrë për lidhjet e tyre me vrasjet politike në Serbi dhe mandat ndërkombëtarë për arrest që është lëshuar për katër persona, e veja e njërit prej të cilëve pretendon që viktima e tyre mund të jetë prapa vrasjes së Jill në prill të vitit 1999.

Branka Prpa ka thënë se burri i saj, gazetari Slavko Curuvija, ishte goditur për vdekje 15 ditë para se ylli i “Crimewatch” të vritet para shtëpisë së saj në moshën 37-vjeçare. Ajo thotë se vrasja e Jill tregon se ajo ishte një vepër e bërë nga një mafia e policisë sekrete serbe. Katër burra të pamaskuar për herë të parë janë paraqitur nga gazeta “Mirror” e Anglisë – një ndërlidhet edhe me vrasjen e Slavkos. Njëri quhet Radomir Markovic    dhe momentalisht është në burg ku akuzohet për vrasjen e ish-presidentit serb Ivan Stambolic. Tjerët janë Milan Radonjic, Ratko Romic dhe Miroslav Kurak.

Slavko ishte qëlluar për vdekje prapa kokës përderisa ishte duke shkuar në shtëpi – ashtu sikurse Jill e cila u qëllua në shtëpinë e saj në Fulham, Londrën jugperëndimore. “Duke marrë në konsideratë faktin që është absolutisht e qartë që vrasjen e burrit tim e kanë kryer komiteti i sigurisë së lartë, besoj që këta janë njerëzit që janë të involvuar edhe në vrasjen e Jill Dando. Është detyrë e autoriteteve që të hulumtojnë këtë rast vazhdimisht dhe në fund të dihet kush e ka kryer këtë krim të tmerrshëm. Shkrimi më dorë është i njëjta, metodologjia e ekzekutimit më armë është ë njëjtë. Është shumë e mundshëm dhe është jo realiste të themi se kjo nuk është vepër e të njëjtëve njerëzve”, ka thënë Branka.

Një historian i respektuar ka thënë se ajo beson që arrestimi i ish-agjentëve të sigurisë do të rezultojë në marrjen në pyetje për vrasjen e Jillit. E pyetur nëse ajo beson që skuadra serbe qëndron prapa   vrasjes ajo përgjigjet: Natyrisht, shërbimet e sigurisë kanë bërë edhe operacione jashtë shtetit, pse mos ta bënin këtë? “Nëse do të ishte vrasje e natyrës politike, përgjegjës për të janë ata të cilët janë burim për politikën po ashtu”. “Kush tjetër do ta vriste një gazetare të BBC-së nëse nuk do të kishte një arsye personale? Arsyet janë politike. Kush mund të ishte burim i një dëshire politike? Regjimi i Milosevicit, natyrisht. Kush tjetër mund të merrej me aktivitete të këtilla në Serbi në atë kohë, veç Serbisë”, ka thënë vëllai i Jill Nigel Dando mbrëmë. “Ne po përcjellim zhvillimet me interes”. I dyshuari kryesor është Markovic, ish shef i Shërbimit të Sigurisë Kombëtare Serbe, i njohur si DB. Ai është dënuar më 2005 për vrasjen e Stambolic, i cili u zhduk në gusht të vitit 2000 gjatë regjimit të MIlosevicit.

Ai ka qenë president nga viti 1982 – 1983. Radonjic dhe Romic, të dy ish shefa të DB, janë arrestuar muajin e kaluar në lidhje me vrasjen e Slavkos. Kurak po ashtu është agjent i DB-së. Ai është larguar nga Serbia para një dekade dhe besohet se udhëheq një firmë gjuetie në Tanzani, Afrikën Lindore. Zyrtarët janë në proces të lëshimit të urdhërarrestit për të me anë të Interpolit. Burimet thonë se vrasësit e mundshëm tashmë janë intervistuar për Slavkon dhe në të janë edhe një “numër i vrasjeve të pazgjidhura”. Slavko, ashtu si Jill duket se e ka mërzitur Milosevicin. Prokurori special për krimin e organizuar, Miljko Radisavljevic tha se dëshmitarë kyç janë duke u marrë në pyetje për vrasjen e gazetarit e që është ish-shefi i njësisë për operacione speciale Milorad Ulemek. Ai është dënuar me 40 vjet burg për vrasjen e kryeministrit Zoran Dindic më 2003. Ai po ashtu është në burg për dy vrasje të tjera politike. (Marrë nga gazeta Express