Një avokat nga Laçi është arrestuar sot me akuzën e korrupsionit. Shtetasi Ilirjan Dyzeri, me profesion avokat, ka rënë në prangat e policisë me akuzën e ushtrimit të ndikimit të paligjshëm ndaj funksionarëve publikë.
Ai akuzohet se ka marrë një mijë euro ryshfet nga një grua që kishte një proces të hapur në gjykatë.
Avokati i ka premtuar qytetares se 1 mijë eurot ishin për gjyqtarin në mënyrë që ai te vendoste pro saj. Pasi ka marrë paratë mësohet se avokati i ka mbajtur vetë ato, pasi gjyqtari ka refuzuar t,i marrë.
Ndodhur në këto kushte, policia ka vendosur arrestimin e avokatit.
