Policia kufitare e qytetit të Durrësit së bashku me Guardia di Finanza kanë sekuestruar mbrëmjen e djeshme 60 kg hashash.
Bëhet me dije se personat që ndodheshin në gomone sapo kanë kuptuar se kanë qenë në ndjekje të policisë kanë ndryshuar drejtim dhe e kanë braktisur mjetin lundrues, me të cilin do trafikonin mallin.
Policia bën me dije se ka sekuestruar gomonen, në të cilën kanë gjetur një çantë të madhe të ngarkuar me 60 kg hashash, të vendosura në 27 pako.
Droga kishte destinacion shtetin italianë. Uniformat blu po vijojnë hetimet për zbardhjen e plotë të ngjarjes dhe identifikimin e personave përgjegjës të kësaj situate, identitetet e të cilëve nuk janë bërë ende të ditur.
