Amerika i ka dhënë fund gjuetisë për dy atentatorët e Bostonit, gjithçka përfundoi me arrestimin e të akuzuarit të dytë nga forcat e policisë. Përgjigja profesionale që kërkoi dhe më pas mori SHBA, u bë me anë të një makinë të frikshme të forcave të policisë federale dhe njësive të inteligjencës speciale. U vendosën në xham zmadhues sekonda, minuta dhe orë të tëra regjistrimesh, CCTV, lëvizjet, dëshmitë, për të qenë më pas në gjendje për të identifikuar autorët e masakrës së Boston. Është e qartë se, duke pasur parasysh burimet dhe aftësitë e njeriut dhe të teknologjisë në SHBA, ka qenë një tekst lehtësisht i lexueshëm nga aspekti operativ. Menjëherë pas ngjarjes ka nisur gjuetia, procesi i identifikimit dhe vendet ku atentatorët mund të fshiheshin. Pas konfrontimit forcat masive policore kanë neutralizuar personin e parë i cili ka ngelur i vrarë gjatë shkëmbimit të zjarrit, gjithashtu i vrarë ka ngelur edhe një efektiv policie. Menjëherë më pas policia është vënë në kërkim të personit të dytë duke e gjetur dhe arrestuar atë.
Por a është ky një arrest që do të japi përgjigjet për atë çfarë ndodhi?
SHBA ka treguar që ka forcë dhe që mund të japë një përgjigje kirurgjikale, gjithsecilit tenton të prishë jetën e përditshme të tyre. Në këtë moment ekziston frika se do të duhet shumë kohë për të kuptuar arsyen e asaj çfarë ndodhi. Duhet marrë parasysh edhe rezervimi i të dyshuarit dhe nëse ai do të jetë i gatshëm të baskëpunojë me hetuesit.
Sidoqoftë gjithë situata e krijuar ka treguar se SHBA vazhdon të ndjekë mënyra efikase për centralizimin dhe zgjidhjen e situatave të tilla.
