Një operacion i suksesshëm policor në SHBA ka bërë të mundur lirimin e 105 fëmijëve nga rrjeti i prostitucionit të fëmijëve. Brenda 72 orësh, policia federale në bashkëpunim Qendrën Kombëtare për Fëmijët e Shfrytëzuar dhe të Zhdukur kanë ndaluar më shumë se 150 persona gjatë një operacioni të kryer ditët e fundit në hapësirat çlodhëse për ato që udhëtojnë me makina, nëpër kazino dhe motele të 75 qyteteve në të gjithë vendin.
150 tutorë jane arrestuar nga forcat policore. Viktimat e trafikut ishin kryesisht vajza nga mosha 13-17 vjeç. Viktima më e re ishte nxjerrë në rrugë nga i ati i saj.
Një fitore në luftën ndaj pedofilisë, që rikujton fatkeqësisht zgjerimin e rrjetit siç edhe deklaron drejtori i FBI-së Ronald Hosko, i ngarkuar për çështjet penale.
“Trafiku i fëmijëve për prostitucion është një nga krimet më të dhunshme dhe më të pafalshme në vend. Pavarësisht sfidave që ne duhet të ngremë, ato që shfrytëzojnë fëmijë duhet ta dinë, që ekipi ynë do të vazhdojë t’i ndjekë për t’i çuar përpara drejtësisë.”
