Naço: Shërbimi i provës do të shtrihet në gjithë Shqipërinë

22

naco dhe sequiMinistri i Drejtësisë Nasip Naço, gjatë aktivitetit “Shërbimi i provës në Shqipëri”,  ka deklaruar se ky shërbim do të shtrihet në të gjitha rrethet gjyqësore, si dhe do të përmirësohet trajtimi i të dënuarve.

“Aktualisht janë 8784 persona nën mbikëqyrjen e shërbimit të provës dhe se mbikëqyrja elektronike do të shtrihet në të gjithë vendin”,-deklaroi Naço.

Në këtë aktivitet ishte i pranishëm edhe Ambasadori i Bashkimit Evropian në Tiranë, Ettore Sequi, i cili u shpreh se, ka raste kur të miturit janë mbajtur në komisariate pa dijeninë e prindërve, madje edhe janë keqtrajtuar, duke sugjeruar që të mbahen parasysh dënimet alternative për të miturit.

Ambasadori Sequi deklaroi gjithashtu se reformimi i sistemit të burgjeve është një detyrë e rëndësishme, pasi edhe rezultatet e mira burojnë nga angazhimi për reformat. Sequi deklaroi dhe shumën e akorduar nga sistemi IPA që prekin nivelin e 40 milionë euro vetëm për sistemin e burgjeve në Shqipëri.