Një mjet i tipit Golf3 ka marrë flakë në ecje e sipër në mes të Kryeqytetit dhe pranë Kryeministrisë.
Drejtuesi i mjetit, Genc Çuçi ka deklaruar për News 24, se ishte duke ecur me shpejtësi kur kishte parë tymin tek motori u detyrua të parkohej për të fikur makinën. Por flakët u ndezën aq shpejt sa Çuçi nuk ka arritur të marrë as Laptopin e tij që gjendej në makinë.
Automjeti është shkrumbuar plotësisht, ndërkohë që forcat zjarrfikëse kanë ardhur në vendin e ngjarjes për të vënë në kontroll flakët. Shtetasi Çuçi fatmirësisht ka dalë pa asnje lëndim nga ky incident i rrezikshëm në mes të bulevardit.
