Merkel: Ndërhyrja në Siri e nevojshme

17

Angela-Merkel-Kancelarja-Gjermane
Kancelarja gjermane, Angela Merkel ka deklaruar se qeveria e saj mbështeste sulmet, që kanë si objektiv regjimin sirian, si një ndërhyrje ushtarake e nevojshme dhe e duhur, pas sulmit të dyshuar kimik të ndërmarrë një javë më parë në Duma nga regjimi i presidentit Asad, ku u regjistruan dhjetëra të vdekur.

”Ne mbështesim faktin se aleatët tanë amerikanë, britanikë dhe francezë kanë marrë përgjegjësitë e tyre”, deklaroi Merkel.

”Ndërhyrja ushtarake ishte e nevojshme dhe e duhur”, bëhet e ditur në një deklaratë të kancelares, e cila njoftoi të enjten se Gjermania nuk do të merrte pjesë në veprimet ushtarake.