Lorik Cana: Nuk mund të ktheheshim në lojë, ishim të lënduar

15

canaKapiteni i Kombëtares Shqiptare ka folur pas incidenteve në Beograd duke sqaruar situatës se si ka ndodhur. Cana deklaroi për Supersport se ai dhe lojtarët mbrojtën flamurin dhe nuk bënë gjë tjetër.

“U afrova për ta qetësuar situatën, por e pashë tifozin duke e goditur Balajn në kokë dhe është normale për mua që të shkoj dhe ta mbroj”.

Besoj që e keni parë pak a shumë atë që ndodhi. Ata e përdhosën flamurin. Lojtarët tonë shkuan për ta marrë flamurin dhe aty ja filloi të nxehet situata.

Gjithçka kishte qenë brenda kontrollit nëse sigurimi do të mbante tifozët jashtë. Por, mandej u futën tifozët në fushë dhe mandej situata doli jashtë kontrollit. Lojtarët tonë u goditën me karrige dhe kjo nuk është normale. Xhaka u gjakos në hundë dhe shumë tjerë u lënduan. Ne folëm me Ivanovic dhe ai shpehu keqardhje për situatën”, u shpreh Cana.