Llupo arrestohet për të shlyer ditët e mbetura të dënimit

43

HOMAZHE-PER-21-JANARINAgim Llupo një prej gardistëve të ngjarjeve të 21 Janarit është arrestuar sërish para banesës së tij, për të shlyer ditët e burgimit që i kanë ngelur.

Gjatë procesit gjyqësor, ish pjesëtar i grupit të zjarrit Llupo, është dënuar me 3 vite burg dhe sipas llogaritjeve edhe të kohës së paraburgimit, ai ka shlyer pothuajse pjesën më të madhe të dënimit.

Agim Llupo u arrestua në 8 shkurt 2011 dhe qëndroi në qeli deri në 7 shkurt të këtij viti. Atij i mbeten edhe pak ditë për të shlyer përfundimisht dënimin për ‘vrasje nga pakujdesia’.

Në 21 janar 2011, në një protestë para Kryeministrisë Garda e Republikës vrau katër protestues: Ziver Veizi, Hekuran Deda, Faik Myrtaj dhe Aleks Nikaj. Për vrasjet u gjykuan si të pandehur komandanti i Gardës, Ndrea Prendi,  gardisti Agim Llupo dhe shoferi i Gardës, Margarit Kume.