Kosovë, hetim deputetëve të përfshirë në dhënien e tenderave

61

KUVENDI-KOSOVE2Disa deputetë të Kuvendit të Kosovës mund të përballen me drejtësinë për shkak të dyshimit për ndërhyrje në procesi e prokurimit të shtetit. Lajmi.net mëson se ata po hetohen nga organet e rendit për presion dhe ndikim në dhënien e tenderëve në disa ministri. Organet e drejtësisë janë duke hetuar disa deputetë të Kuvendit të Kosovës, të cilët  dyshohet se kanë ndërhyrë në mënyrë sistematike në proceset e prokurimit publik, në disa ministri të ndryshme.

Burimet e lajmi.net bëjnë të ditur se këta deputetë e kanë përdorur pozitën e tyre publike për të ushtruar presion dhe për të ndikuar në vendimet që janë marrë për dhënien e tenderëve të ndryshëm, duke favorizuar kompani të caktuara.   Ditë më parë, Agjencia Kundër Korrupsionit denoncoi përmes një komunikate për shtyp presionet e vazhdueshme, siç u shpreh, nga “zyrtarë të lartë shtetëror” për rastet e inicuara nga kjo agjenci për çështje të korrupsionit. Lajmi.net mëson se ndër këto raste ka edhe deputetë të Kuvendit të Kosovës të cilët kanë bërë presion mbi AKK’në dhe Drejtorin e saj, Hasan Preteni.