Prishtina dhe Beogradi do të shkëmbejnë sot në mesditë oficerët ndërlidhës përkatës. Pala Kosovare ka emëruar Lulzim Peçin për në Misionin e BE-së në Beograd, ndërkohë që pala serbe ka caktuar Dejan Paviçeviq, si të emëruarin e saj në Prishtinë.
Vlen për t’u theksuar mënyra, se si të dy shtetet e shikojnë këtë lëvizje. Ndërsa për palën serbe caktimi i oficerit ndërlidhës, nuk ka të bëjë aspak me statusin e një diplomati, duke shmangur idenë, që mund të krijojë në mënyrë indirekte kjo lëvizje, për palën kosovare kjo shikohet si një pozicion, që e cilëson në vetvete statusin e diplomatit.
Misioni i oficerëve ndërlidhës vlerësohet të jetë komunikimi për zbatimin e Marrëveshjes së Brukselit, arritur ndërmjet dy vendeve më 19 prill në Bruksel.
