Akis Tsohatzopoulos, është shndërruar për publikun grek, në njeriun simbol të korrupsionit të klasës elitare politike në vend, e cila është përgjegjëse për zhytjen e vendit në një krizë të thellë ekonomike, që prej vitit 2010. Ai është dënuar nga drejtësia greke, me 20 vite burg për pastrim parash, në një proces maratonë, që ka zgjatur prej disa muajsh.
Tsohatzopoulos, ka mbajtur postin e Ministrit të Brendshëm përgjatë viteve 1996-2001. Dënimi ju dha në kuadrin e një afere korrupsioni mbi kontratat e armatimit, gjatë kohës që ishte në krye të Institucionit të Mbrojtjes. Ai është akuzuar, se shumë prej parave që dilnin nga korrupsioni dhe bakshishet e majme, i ka vendosur në llogari bankare jashtë Greqisë.
Akis Tsohatzopoulos ka qenë gjithashtu kandidat për postin e Kryeministrit në vitet ’90. Ai po vuan tashmë dënimin e tij dhe duke marrë parasysh moshën e tij 74 vjeçare, ai duhet të lirohet brenda dy vitesh, sipas burimeve juridike.
