Një lojë erotike e përfunduar në mënyrë tragjike. Kjo ngjarje e rëndë bëri bujë në mediat italiane ku protagonistë ishin një italian dhe një adoleshente rumune. Andrea Pizzocolo, 41 vjeç ka pasur një lidhje me Lavinia A. 18 vjec, një vajzë e re me origjinë rumune të cilën e kishte njohur në internet.
Trupi i vajzës u gjet i pajetë i braktisur në një fshat të San Martino, ndërsa në qafë u vërejtën shenja të forta shtrëngimi. I arrestuar italiani pohoi se krimi ndodhi gjatë seksit. “Një lojë erotike e përfunduar keq”. Por policia hedh dyshime se autori ka kryer seks me viktimën dhe pasi ka kryer krimin.
Trupi u gjet nga një fermer i zonës që rrëfeu se në momentin kur e gjeti vajzën, në qafë kishte 2 kabllo të holla elektrike dhe në fytyrë të hedhur një peshqir të vogël.
Asnjë rrobë, asnjë dokument me vete, por ishte copa e peshqirit që u bë pasaporta e zgjidhjes së enigmës.
Shenjat që u gjetën aty dhe më pas në trupin e vajzës i përkonin tipit të cuditshëm që kishte ardhur në zonë prej disa ditësh në një motel për të takuar të dashurën e njohur në internet.41-vjeçari në fillim mohoi gjithçka, por më pas u dorëzua dhe nisi të tregojë se vajzën e njohu në internet dhe se të premten ishte takimi i dytë mes tyre.
Ai pohon se mes tyre nisi një lojë erotike dhe se kur e lidhi me kabllot në qafë vajza pati vështirësi frymëmarrjeje, por ai nuk ndali seksin asnjë cast që t’a ndihmonte.Italiani pohon se e zbuloi vonë që vajza nuk merrte më frymë dhe se në ato momente mendoi vetëm të largohej nga vendi i ngjarjes.
Policia vijon hetimet për të gjetur dëshmitarë që e kanë parë çiftin bashkë për të zbardhur më tej vrasjen e vajzës.
