Grinden taksistët, plagoset 15 vjeçari

18

policia-ne-patrull-300x225Një sherr mes dy taksistëve në qytetin e Përmetit ka përfunduar me plagosjen e një 15-vjeçari. Sipas informacioneve të fundit, përplasja mes dy taksistëve ka nisur për shkak të konkurrencës dhe 15-vjeçari ka ndërhyrë për të ndihmuar të atin.

Në përplasje e sipër, shtetasi Sazan Zoto ka plagosur me thikë adoleshentin, i identifikuar me iniciale R.K. Forcat policore janë njoftuar nga personat e pranishëm në vendin e ngjarjes dhe kur kanë mbërritur atje kanë arrestuar agresorin.

Autoritetet lokale bëjnë me dije se kanë ushtruar edhe një kontroll në banesën e autorit të plagosjes, ku kanë gjetur një kallashnikov dhe rreth 80 fishekë. Ndërkohë, 15-vjeçari i lënduar ndodhet nën kujdesin e mjekëve në spital.