Gjermani, djemtë vrasin babain dhe e fusin në valixhe

65

djemte vrasin babainPolicia ka zbardhur vrasjen misterioze të një 46-vjeçari, trupi i të cilit u gjet në një valixhe në Sinstort. Dy djemtë e tij janë të dyshuarit kryesor për vrasjen.

Djali i vogël 20 vjeç, Adnan Zeqiri është shoqëruar në polici, ndërsa djali i madh 26 vjeç, Fatmir Zeqiri nuk ndodhet në Gjermani.

Kjo është historia e trishtë e një familjeje shqiptare nga Maqedonia, e cila jetonte në Gjermani.

20-vjeçari gjatë marrjes në pyetje ka pranuar faktin se ka vrarë babain e tij, Hamza Zeqiri. Ai ka treguar se e ka mbytur pas një mosmarrëveshje dhe bashkë me vëllanë tjetër e kanë future në valixhe trupin e tij dhe me një taksi e kanë dërguar në Sinstorf.

Vrasja ka ndodhur më 29 tetor të vitit të kaluar. Hetuesit kishin pasur edhe më parë indikacione se vrasja mund të ishte bërë nga rrethi i të afërmve të të ndjerit.

Trupi i 46-vjeçari u gjet në një kënetë të akullt. Ai më parë ka jetuar në Hamburg, ndërsa pas divorcit ka shkuar të jetojë në Billstedt. Nga autopsia ka rezultuar se 46-vjeçari nga Maqedonia ka vdekur nga goditjet në kokë.