Policët e paarmatosur holandezë dhe australianë të pranishëm në lindje të Ukrainës anulluan sot zhvendosjen e tyre drejt vendit të rrëzimit të avionit MH17 për shkak të luftimeve, njoftoi një përgjegjës i misionit të OSBE-së në rajon.
“Luftimet vazhdojnë. Ne nuk mund të marrim rreziqe për sipër. Situata në çështje sigurie në rrugën për në vendin e rrëzimit të avionit si dhe vetë në zonë është e papranueshme për një mision vëzhgues të paarmatosur”, theksoi ai.
“Goditje artilerie u dëgjuan sot rreth një kilometër larg zonës së rrëzimit të avionit malajzian në lindje të Ukrainës, në një zonë nën kontrollin e separatistëve prorusë”, sipas raportimeve të gazetarëve në terren.
“Kishte tym të zi në zonën pranë vendngjarjes dhe njerëz që aratiseshin, madje edhe një pikë kontrolli e rebelëve që ndodhej aty pranë ishte braktisur”, sipas të njëjtave raportime./
